Ümumdünya Səhiyyə Təşkilatının (ÜST) məlumatına görə, avqust ayından bəri Yəməndə müxtəlif cəbhələrdə şiddətlənən döyüşlər nəticəsində 674 nəfər ölüb, 2 998 nəfər yaralanıb.

Tvit.az xarici mediaya istinadən xəbər verir ki, ÜST 13–18 sentyabr tarixlərində 164 ölüm və 516 yaralanma hadisəsi qeydə alıb.

Beynəlxalq Miqrasiya Təşkilatının (BMqT) məlumatına görə, Yəmənin yeddi quberniyasında artan qeyri-sabitlik səbəbindən 129 438 nəfər evini tərk etmək məcburiyyətində qalıb.

BMqT-nin Yaxın Şərq və Şimali Afrika üzrə regional direktoru Osman Belbeisi bildirib ki, 18–21 sentyabr tarixlərində cəmi üç gün ərzində məcburi köçkünlərin sayı 11 352 nəfər artıb.

Aysel Şirinova