Microsoft Research komandası tərəfindən aparılan yeni bir araşdırma süni zəkanın ən çox istifadə edildiyi işlər üzərindən ən çox təhlükə altında olan peşəni müəyyən edib.

Tvit.az xarici mediaya istinadən xəbər verir ki, süni zəkanın iş dünyasında necə istifadə olunduğunu daha yaxşı başa düşmək üçün maraqlı bir tədqiqat həyata keçirilib. İnsanlarla Copilot arasındakı 200.000 söhbəti araşdıran komanda, gələcəkdə hansı peşələrin süni zəkanın təsirinə ən çox məruz qala biləcəyinə dair ipucları əldə etməyə çalışıb.

Araşdırmaya görə ən çox təsirlənəcək peşələrin başında tərcüməçilər dayanır. Çünki onların gördüyü işlərin 98%-i, Copilot-un tez-tez yerinə yetirdiyi vəzifələrlə tamamilə üst-üstə düşür. Bu peşələrin müəyyən avtomatlaşdırmalar vasitəsilə yaxın gələcəkdə süni zəkanın əlinə veriləcəyi düşünülür.

Aysel Şirinova