Gəncədə qaz xəttində qəza bir neçə qəsəbəyə mavi yanacağın verilişinin dayanmasına səbəb olub.

Tvit.az Teleqraf-a istinadən xəbər verir ki, Cavad Xan, Türklər qəsəbələri və Gülüstan yaşayış massivində qazın verilişi 4 saata yaxındır dayanıb. Bu qəsəbələr Gəncə şəhərinin ən iri yaşayış massivləri hesab olunur və burada təxminən 20000 abonent var.

İlkin məlumata görə, qazın kəsilməsinə səbəb Gəncə şəhəri Comərd Qəssab Türbəsi adlanan ərazidə diametri 530 mm-lik orta təzyiqli qaz xəttində kəskin qaz sızmasıdır.

Problemin aradan qaldırılması istiqamətində iş aparılır.