Tacikistan hökuməti İran və ABŞ arasında artan gərginliklə bağlı ciddi narahatlığını ifadə edib.

Tvit.az xəbər verir ki, bu barədə Tacikistanın Xarici İşlər Nazirliyi bəyanat yayıb.

 Belə ki, XİN bütün münaqişələrin yalnız diplomatiya yolu ilə sülh yolu ilə həllini tələb edib.

"Tacikistan Respublikası Yaxın Şərqdə, xüsusilə İran İslam Respublikası ilə münasibətlərdə vəziyyətin gərginləşməsi ilə bağlı ciddi narahatlığını ifadə edir və hər hansı hərbi əməliyyatlara qarşı çıxaraq bütün münaqişələrin yalnız diplomatik yolla sülh yolu ilə həllini dəstəkləyir," - nazirliyin saytında yayımlanan bəyanatda deyilir.

Bundan əlavə, Tacikistan Respublikası tərəfləri BMT Nizamnaməsinin prinsiplərinə, beynəlxalq hüquq normalarına riayət etməyə və regionda sülh və sabitliyin qorunması üçün hər cür səyi göstərməyə çağırış edib.

Qeyd edək ki, İran rəsmiləri bildirib ki, iğtişaşlarda iştirak edən terror qrupları ABŞ və İsrail tərəfindən dəstəklənib.

Aysel Şirinova,

Tvit.az