İslamabadda keçirilən ABŞ-İran danışıqlarının ilk mərhələsi uğursuz oldu, çünki Amerika prezidenti şərtləri diktə etməyə çalışdı və Vaşinqtonun bütün tələblərinin istisnasız olaraq yerinə yetirilməsini tələb etdi.

Tvit.az xəbər verir ki, bu barədə İranın Moskvadakı fövqəladə və səlahiyyətli səfiri Kazem Cəlali danışıb.

"Bu, işə yaramayacaq. Tramp deyir ki, biz onun diktə etdiyi şeyləri müzakirə etməliyik. Buna "danışıqlar aparmaq" deyilmir. Danışıqlar aparmaq o deməkdir ki, insanlar qarşılıqlı faydalı yanaşmaya əsaslanan ədalətli bir kompromisə gəlməlidirlər", - deyə diplomat bildirib.

Onun sözlərinə görə, Ağ Ev rəhbəri müharibə zamanı əldə edə bilmədiyi şeyləri danışıqlar prosesində artıq əldə edə bilməyəcək. Cəlali qeyd edib ki, Tramp Amerika tələblərinin 100%-nin yerinə yetirilməli olduğuna inanır və hətta 95% səviyyəsindən belə narazıdır.

Xatırladaq ki, ABŞ və İran nümayəndə heyətləri arasında danışıqlar aprelin 11-də İslamabadda baş tutub. Tərəflər davam edən gərginlik fonunda münaqişənin uzunmüddətli həlli barədə razılığa gələ bilməyiblər, lakin müvəqqəti atəşkəs və Hörmüz boğazının qismən açılması barədə razılığa gəliblər. 

Aysel Şirinova