Fin körfəzində Estoniya ilə Finlandiya arasında yerləşən sualtı rabitə kabeli zədələnib.

Tvit.az bu barədə "Euronews" telekanalına istinadən xəbər verir.

Finlandiya sahil mühafizəsi kabelin zədələnməsində şübhəli bilinən "Fitburg" adlı gəmini saxlayıb. Gəminin 14 ekipaj üzvü polis tərəfindən saxlanılıb. Ekipaj üzvləri Rusiya, Gürcüstan, Qazaxıstan və Azərbaycan vətəndaşlarıdır.

Bildirilir ki, Sent-Vinsent və Qrenadin bayrağı altında üzən gəmi Sankt-Peterburqdan çıxıb və İsrailə doğru istiqamət alıb.