Almaniyada yaşayan azərbaycanlı həkim yüksək vəzifəyə təyin edilib.

Tvit.az Musavat.com-a istinadən xəbər verir ki, tibb elmləri doktoru, dosent Xəyal Qasımlı Frankfurt şəhərində yerləşən “Hospital zum Heiligen Geist” xəstəxanasının ginekologiya və mamalıq klinikasının baş həkimi olub.

Xəyal Qasımlı bundan əvvəl Frankfurt Universitet Xəstəxanasının ginekologiya və mamalıq klinikasında şöbə müdiri vəzifəsində çalışıb. O, yeni təyinatla yanaşı, universitet xəstəxanasındakı fəaliyyətini də davam etdirəcək.

Azərbaycanlı mütəxəssis ginekoloji onkologiya xəstələrinin əməliyyatlarını, robotik cərrahiyyəni və elmi-tədqiqat işlərini uğurla həyata keçirir.