2025-ci il üçün dünyanın ən güclü ordularının siyahısı tərtib edilib.

Tvit.az xəbər verir ki, “Global Fire Power” saytının tərtib etdiyi siyahıya 145 ölkə daxil edilib.

Siyahıda Azərbaycan 60-cı sırada göstərilib. Cənubi Qafqazın digər iki ölkəsi - Ermənistan 91-ci, Gürcüstan isə 94 yeri tutub.

Türkiyə siyahıda 9-cu, İsrail 15-ci, İran 16-cı olub.

Qardaş ölkələr - Pakistan 12-ci, Qazaxıstan 57-ci, Özbəkistan 58-ci, Türkmənistan 77-ci, Qırğızıstan 105-ci yerdə qərarlaşıb.

İlk üçlüyü isə ABŞ, Rusiya və Çin bölüşüb.