Qazaxıstan Prezidenti Qasım-Jomart Toqayev beynəlxalq hərbi münaqişələrdə BMT Nizamnaməsinin prinsiplərinin seçici şəkildə tətbiq edilməməsini vurğulayıb.

Tvit.az-ın xarici mediaya istinadla verdiyi xəbərə görə, o, BMT və digər beynəlxalq təşkilatların müasir dünya tələblərinə uyğun fəaliyyət göstərməsinin vacibliyini qeyd edib və Nizamnamənin bütün prinsiplərinə sadiq qalmağın əhəmiyyətindən danışıb.

"Bizə çox vacibdir ki, BMT və digər böyük beynəlxalq institutlar müasir dünyanın tələblərinə tam cavab versin", - deyə Tokayev bildirib.

Prezident, Nizamnamənin yalnız ümumi yanaşma ilə qəbul edilməsi və tətbiq edilməsinin zəruriliyini qeyd edib. O, həmçinin, BMT-nin 80 ildən çoxdur beynəlxalq dialoq üçün əvəzolunmaz bir platforma olduğunu, lakin dünya şəraitinin ciddi şəkildə dəyişdiyini qeyd edib.

Aysel Şirinova