İranın Tasnim xəbər agentliyi immiqrasiya rəsmilərinin qeyri-münasib davranışına istinadən bildirib ki, İran futbol federasiyasının rəsmiləri Kanadada keçiriləcək FIFA konqresində iştirak etməyəcəklər.

Tvit.az xəbər verir ki, Agentliyin məlumatına görə, üç federasiya rəsmisi cümə axşamı keçirilən konqresdə iştirak etmək üçün viza ilə gəlib, lakin növbəti mümkün uçuşla geri qayıdıblar.

"İran Futbol Federasiyasının prezidenti və baş katibinin müavini hava limanında immiqrasiya rəsmilərinin nalayiq davranışı və İran Silahlı Qüvvələrinin ən hörmətli orqanlarından birinə qarşı təhqir səbəbindən ilk uçuşla Türkiyəyə qayıtdı", - deyə, bildirib.

Kanada 2026-cı il Dünya Kubokuna ABŞ və Meksika ilə birlikdə ev sahibliyi edəcək, FİFA-nın konqresi isə bu həftə Vankuverdə keçiriləcək.

Aysel Şirinova