Pekin Beynəlxalq Avtomobil Sərgisinin sahəsi 380 min kvadratmetr təşkil edəcək. 

Tvit.az xarici mediaya istinadən xəbər verir ki, bununla da bu sərgi dünyanın ən böyük avtomobil sərgisi olacaq.

Rəsmi məlumatlara görə, sərgidə 181 dünya premyerası və 71 konsept avtomobil də daxil olmaqla 1 451 nəqliyyat vasitəsi nümayiş olunacaq. 

Ümumilikdə 17 sərgi salonundan istifadə olunacaq ki, bunlardan 13-ü tam təchizatlı nəqliyyat vasitələri üçün ayrılıb.

Tədbirdə qlobal və yerli avtomobil istehsalçılarının geniş çeşidi iştirak edəcək. Beynəlxalq brendlər arasında BMW, Mercedes-Benz, Audi, Volkswagen, Toyota və Ford da var. FAW Hongqi, Dongfeng Motor, Changan Automobile, Geely və Great Wall Motor kimi Çin avtomobil istehsalçıları da ən son texnologiyalarını və modellərini təqdim edəcəklər.

Sərgi 24 aprel - 3 may tarixinə qədər davam edəcək.

Aysel Şirinova